Real Madridi ka treguar edhe një herë së është mbret në garat evropiane, duke e mposhtur PSG-në me rezultat 3-1 edhe pse ishte duke humbur 1-0 nga pjesa e parë për të kaluar në çerekfinale të Ligës së Kampionëve.

Ndeshja e parë e zhvilluar para tre javësh ishte mbyllur me rezultat 1-0 në të mirë të parisienëve.

Rastin e parë në ndeshje e kishte Kylian Mbappe në minutën e 13-të, por goditja e tij u ndal nga Thibaut Courtois.

Pas tij rrezikoi Karim Benzema në minutën e 25-të, por Gio Donnarrumma bën një pritje të madhe.

Në minutën e 34-të Mbappe shënoi, por u anulua për pozitë jashtë loje.

Pas disa rasteve të humbura nga Kylian Mbappe, francezi ishte i saktë në minutën e 39-të. Ai mori një top nga Neymar jashtë zone dhe me tu futur brenda gjuan bukur për të shënuar për 1-0.

Pjesa e parë u mbyll me epërsinë e mysafirëve që dukeshin në rrugë të mbarë për të kaluar në gjysmëfinale.

Kjo pasi edhe pjesën e dytë e nisën më mirë dhe rrezikonin më shumë.

Por Real Madridi arriti të barazojë rezultatin në minutën e 61-të, ku një gabim i Gio Donnarummas bëri që Karim Benzema të përfitojë për të shënuar për 1-1.

Ky gol ia ktheu besimin mbretërve, që filluan sulmet për ta gjetur golin e epërsinë, por që do të barazonin shifrat nga dy ndeshjet.

Në minutën e 76-të, Karim Benzema arriti të shënojë sërish pas një pasimi të bukur të Luka Modric për 2-1.

Pa kaluar mirë tre minuta, në minutën e 78-të, Benzema përfitoi nga një gabim në mbrojtjen e parisienëve për të shënuar për 3-1, duke i dhënë epërsinë mbretërve pas dy ndeshjeve me rezultat të përgjithshëm 3-2.

Deri në fund nuk kishte më gola dhe Real Madridi iu gëzua kualifikimit në çerekfinale.